Davarka Das Shola

zindagi kya hai ibtila ke siwa

Davarka Das Shola

Lahore, Punjab, Pakistan

1910

zindagī kyā hai ibtilā ke sivā

shikva-e-dard-e-lā-davā ke sivā

terī duniyā meñ kyā nahīñ miltā

ik dil-e-dard-āshnā ke sivā

chāra-e-dard-e-zindagī kyā hai

āh-e-jāñ-kāh-o-iltijā ke sivā

kuchh nahīñ iḳhtiyār meñ apne

bandagī ke sivā duā ke sivā

maiñ ne har baat un se kah Daalī

lekin ik harf-e-mudda.ā ke sivā

merī imdād sab ne farmā.ī

vā.iz-o-zāhid-o-ḳhudā ke sivā

kaun samjhegā in haqā.eq ko

'sho.ala'-e-riñd-e-pārsā ke sivā

Top Urdushayar.com