jo nahīñ hai terā maqsad mujhe sogvār karnā
mujhe kuchh burā nahīñ hai tirā intizār karnā
mirī aañkh kī namī ne tire saare bhed khole
nahīñ thā mirā irāda tujhe sharmsār karnā
mirī zīst-e-barguzīda thī hisār-e-bandagī meñ
tujhe kyoñ pasand aayā mujhe be-hisār karnā
haiñ hazāroñ dafn aañsū mirī qabr-e-ārzū meñ
na dil-e-hazīñ ko tum bhī kabhī ġham-gusār karnā
tire pyaar meñ thī andhī anā kajravī na samjhī
tirā va.ada toḌ jaanā yahī baar baar karnā