jab us kā naam laboñ par duā ke saath utre
to chāñd aañkh meñ koī ghaTā ke saath utre
tumhārī yaad utartī hai is tarah dil meñ
ki jaise sahn meñ bārish havā ke saath utre
kabūtaroñ kī tarah uḌte haiñ tire ġham bhī
ki dil kī chhat pe to pahlī sadā ke saath utre
farāz-e-koh se aatā hai jis tarah paanī
kabhī vo aañkh se aisī adā ke saath utre
maiñ niiñd vaadī meñ jab bhī 'hasan' utarne lagā
hazār rañg ke sapne bhī aa ke saath utre