koī kisī kī taraf hai koī kisī kī taraf
kahāñ hai shahr meñ ab koī zindagī kī taraf
sabhī kī nazroñ meñ ġhā.eb thā jo vo hāzir thā
kisī ne ruk ke nahīñ dekhā aadmī kī taraf
tamām shahr kī sham.eñ usī se raushan thiiñ
kabhī ujālā bahut thā kisī galī kī taraf
kahīñ kī bhuuk ho har khet us kā apnā hai
kahīñ kī pyaas ho jā.egī vo nadī kī taraf
na nikle ḳhair se allāma qaul se bāhar
'yagānā' TuuT ga.e jab chale ḳhudī kī taraf