tumhāre shahr meñ kyoñ ḳhāmushī hai
yahāñ har aañkh meñ kaisī namī hai
kahīñ se DhūñD kar laao vo lamha
hamārī ziist meñ jis kī kamī hai
tirā ma.asūm lahja kaun bhūle
tirā to bolnā hī sādgī hai
kahīñ sūraj nazar aatā nahīñ hai
hukūmat shahr meñ ab dhuñd kī hai
kisī ko jaan dene par masarrat
kisī ko jaan lene kī ḳhushī hai
judā.ī kā tasavvur saath rakhnā
mohabbat meñ judā.ī lāzmī hai