ban ke hasrat samā gayā ik shaḳhs
mujh ko aañsū banā gayā ik shaḳhs
soch haale pe intizār likhā
aur raste dikhā gayā ik shaḳhs
mere jīvan kī Diary meñ likhā
bāb-e-qismat miTā gayā ik shaḳhs
karbalā meñ hai rozgār-e-alam
kaam kaisā lagā gayā ik shaḳhs
maiñ ne us se vafā kā zikr kyā
par burā kyuuñ manā gayā ik shaḳhs
kar ke jīvan se be-niyāz mujhe
jiine kā Dhab sikhā gayā ik shaḳhs