ye bhī isrār koī rauzan-e-dar baaz na ho
saañs lete raho par saañs kī āvāz na ho
yak-ba-yak ālam-e-iz.hār meñ sannāTe kī guuñj
aane vaale kisī tūfān kī ġhammāz na ho
sher-o-fan āzar-e-hāzir ke tarāshīda sanam
tohmat-e-lauh-o-qalam tausan-e-parvāz na ho
phir tirī yaad se raushan huā kāshana-e-dil
vus.at-e-kaun-o-makāñ jalva-gah-e-nāz na ho
vaqt ke jabr se kab kār-e-junūñ-ḳhez rukā
koshish-e-sañg-zanī nuqta-e-āġhāz na ho