ab use chhoḌ ke jaanā bhī nahīñ chāhte ham

aur ghar itnā purānā bhī nahīñ chāhte ham

sar bhī mahfūz isī meñ hai hamārā lekin

kyā kareñ sar ko jhukānā bhī nahīñ chāhte ham

apnī ġhairat ke liye fāqa-kashī bhī manzūr

terī shartoñ pe ḳhazāna bhī nahīñ chāhte ham

haath aur paañv kisī ke hoñ kisī kā sar ho

is tarah qad ko baḌhānā bhī nahīñ chāhte ham

āñkheñ jab dī haiñ nazāre bhī atā kar yā-rab

ek kamre meñ zamāna bhī nahīñ chāhte ham