ujālā kar ke zulmat meñ ghirā huuñ
charāġh-e-rahguzar thā bujh gayā huuñ
tirī tasvīr kaise ban sakegī
har ik saada varaq ko dekhtā huuñ
mujhe tūfān se shikva nahīñ hai
halāk-e-be-ruḳhī-e-nāḳhudā huuñ
tire tīroñ kā andāza karūñgā
abhī to zaḳhm dil ke gun gā rahā huuñ
tumheñ sūraj nazar ā.eñge apne
maiñ ā.īna huuñ aur TuuTā huā huuñ
sabā āhista āhista uḌūñgā
maiñ dast-e-nāz kā rañg-e-hinā huuñ