chiiz jo bhuul kar ga.ī huī thī

lauTne par vahīñ paḌī huī thī

baap aur bhā.iyoñ ke hote hue

apne pairoñ pe ḳhud khaḌī huī thī

kitne ghanToñ kā ḳhvāb dekhnā hai

haath meñ to ghaḌī bañdhī huī thī

maiñ ne ahbāb se kināra kiyā

mujh ko paisoñ kī jab kamī huī thī

ka.ī sāloñ meñ burqa chhoTā thā

baḌī mushkil se raushnī huī thī

suraḳh-rū kis tarah na hote vo

saath bachchoñ ke maañ lagī huī thī

terī ten.shan meñ piinā bhuul ga.ī

chaa.e to sāmne rakhī huī thī