sadā-e-ahd-e-vafā ko zavāl kyuuñ aayā
lab-e-sukūt pe harf-e-savāl kyuuñ aayā
kise ḳhabar ki chaman meñ ḳhizāñ kī aamad par
ġhurūr-e-sho.ala-e-gul ko jalāl kyuuñ aayā
bujhā rahā thā maiñ apne vajūd kā ḳhurshīd
tirī nigāh meñ rañg-e-malāl kyuuñ aayā
shab-e-firāq ne dekhī na thī mirī sūrat
shab-e-firāq ko merā ḳhayāl kyuuñ aayā
chubhan hai zehan meñ 'āsif' ki is añdhere meñ
ufuq ke haath pe āḳhir hilāl kyuuñ aayā