kiye haiñ mujh pe jo ehsāñ jatā nahīñ saktā
vo shaḳhs to mirā dil bhī dikhā nahīñ saktā
chhupā huā huuñ tah-e-sañg ek muddat se
havā kā jhoñkā mirī samt aa nahīñ saktā
pare hai aaj bhī vo sarhad-e-tasavvur se
maiñ us ko puuj to saktā huuñ pā nahīñ saktā
dikhā rahā hai vahī mauj mauj aks mujhe
vo terā aks jise maiñ banā nahīñ saktā
maiñ ek naġhma-e-sāda-mizāj huuñ 'āsif'
qabā-e-sāz meñ ḳhud ko chhupā nahīñ saktā