tere altāf kā lutf uThāte rahe

nuur barsā kiyā ham nahāte rahe

kaun thā vo ḳhudāyā ḳhudā kā jamāl

man hī man meñ pahelī bujhāte rahe

ye samajh kar faqīrī hī meñ hai ḳhudā

gun hamesha faqīroñ ke gaate rahe

raaz haq-āshnā kā khulā jab kabhī

bādshah tak huzūrī meñ aate rahe

ham ne sahrā meñ tanhā jalāyā diyā

phir sadā āñdhiyoñ se bachāte rahe

sabr kī justujū meñ phire dar-ba-dar

'yash' gadāgar se ye faiz paate rahe