Ishrat Qadri

daryaft kar ke KHud ko zamane se dur hun

Ishrat Qadri

Bhopal, Madhya Pradesh, India

1926

daryāft kar ke ḳhud ko zamāne se duur huuñ

har shaḳhs bā-shu.ūr hai maiñ be-shu.ūr huuñ

hijrat mirā nasīb hai parvāz mashġhala

gumbad ke dā.ere meñ misāl-e-tuyūr huuñ

gandum ḳhushbū raqs meñ rakhtī hai rāt-din

mastī-bharī sharāb ke nashshe meñ chuur huuñ

sadiyoñ se be-libās darīda-badan udaas

tasvīr-e-kā.enāt meñ be-rañg-o-nūr huuñ

bosīda kitāb ik hāshiya ho tum

lauh-e-azal pe likkhā maiñ bainassutūr huuñ

merā vajūd paanī huā miTTī aur aag

bikhrī huī anā huuñ sulagtā ġhurūr huuñ

fard-e-amal navishta-e-taqdīr paḌh chukā

ḳhāmosh sar jhukā.e ḳhud apne huzūr huuñ

khīñchā nahīñ hisār koī apne ird-gird

'ishrat' maiñ apnī zaat meñ tanhā zarūr huuñ

Top Urdushayar.com