kahāñ ye os nahīñ āftāb kī zad meñ

zamāna aaj bhī hai inqalāb kī zad meñ

zuhūr-e-zāviya-e-qā.ima se hai sābit

ye kā.enāt hai ilm-ul-hisāb kī zad meñ

agarche un kī tasallī meñ hai yaqīñ shāmil

dil-e-hazīñ hai magar iztirāb kī zad meñ

maiñ apne nāla-e-be-iḳhtiyār ke qurbāñ

jo naġhma ban ke na aayā rabāb kī zad meñ

vo dasht jis meñ ki dahshat hai be-karāñ 'sā.ib'

vo dasht hai dil-e-vahshat-ma.āb kī zad meñ