terā ye husn-e-be-karāñ muqayyad zamān hai
magar tujhe ai zindagī kahāñ koī gumān hai
nishān kho gayā meñ apne aap apne aap kā
jahāñ koī ho be-nishāñ vahīñ merā nishān hai
na dekh ai is is tarāsh-tīr ko
zarā ye dekh aa ki kis ke haath meñ kamān hai
ye dāvat-e-jihād be-mahal nahīñ hai ai zamīñ
kisī faqīr be-hunar kā āḳhirī bayān hai
maiñ rahrav-e-sirāt-e-rāhzan thā thoḌī der ko
samajh rahā thā maiñ merī na aañkh hai na kaan hai
merī navā-e-aman be-navā nahīñ hai ai falak
abhī bhī jism-e-nā-tavāñ meñ bolne kī jaan hai
safoñ meñ sāma.īn ke jo to bhī aa gayā to sun
terī bisāt-e-justujū kā aaj imtihān hai