kitnā bhī muskurā.iye dil hai magar bujhā bujhā
giit rasīle gā.iye dil hai magar bujhā bujhā
ashk nahīñ to kyā huā aah nahīñ to kyā huā
laakh sañvar ke aa.iye dil hai magar bujhā bujhā
ruḳh pe bahār kī phaban hoñToñ pe maḳhmalī suḳhan
muzhda-e-gul sunā.iye dil hai magar bujhā bujhā
aap se ḳhud alag alag aap kī dāvat-e-tarab
ham se na kuchh chhupā.iye dil hai magar bujhā bujhā
jannat-e-naġhma-o-ġhazal mahfil-e-soz-o-sāz-e-ishq
'tāhira' kyā batā.iye dil hai magar bujhā bujhā