lutf vo ishq meñ paa.e haiñ ki jī jāntā hai
rañj bhī aise uThā.e haiñ ki jī jāntā hai
jo zamāne ke sitam haiñ vo zamāna jaane
tū ne dil itne satā.e haiñ ki jī jāntā hai
tum nahīñ jānte ab tak ye tumhāre andāz
vo mire dil meñ samā.e haiñ ki jī jāntā hai
inhīñ qadmoñ ne tumhāre inhīñ qadmoñ kī qasam
ḳhaak meñ itne milā.e haiñ ki jī jāntā hai
dostī meñ tirī dar-parda hamāre dushman
is qadar apne parā.e haiñ ki jī jāntā hai