apnī āñkhoñ ko aqīdat se lagā ke rakh lī
terī dahlīz kī miTTī thī uThā ke rakh lī
tujh ko takte hī rahe raat bahut der talak
chāñd ke taaq meñ tasvīr sajā ke rakh lī
dil sī nau-ḳhez kalī terī mohabbat ke liye
sīñch ke jazboñ se pahlū meñ khilā ke rakh lī
is na.e saal ke svāgat ke liye pahle se
ham ne poshāk udāsī kī silā ke rakh lī
dam ulajhtā thā shab-e-tīra kā tārīkī se
is liye chāñd kī qindīl jalā ke rakh lī