āsmāñ ek kināre se uThā saktī huuñ
yaanī taqdīr sitāre se uThā saktī huuñ
apne paañv pe khaḌī huuñ tujhe kyā lagtā thā
ḳhud ko bas tere sahāre se uThā saktī huuñ
āñkheñ mushtāq hazāroñ haiñ magar soch ke rakh
terī tasvīr nazāre se uThā saktī huuñ
raakh ho jaa.e mohabbat kī havelī pal meñ
ik tabāhī maiñ sharāre se uThā saktī huuñ
maiñ agar chāhūñ to jiine kī ijāzat de kar
zindagī tujh ko ḳhasāre se uThā saktī huuñ
ism paḌhne kā irāda ho to fursat meñ 'sahar'
maiñ tujhe dil ke shumāre se uThā saktī huuñ