kyā dil hai agar jalva-gah-e-yār na hove

hai tuur se kyā kaam jo dīdār na hove

kuchh rañg nahīñ naġhma-o-āhañg meñ us ke

bulbul jo bahārāñ meñ giraftār na hove

dil jal jo gayā ḳhuub huā soḳhta behtar

vo jins koī jis kā ḳharīdār na hove

shamshād ko deve hai qazā vaar ke tujh par

jo jaama tire qad pe sazā-vār na hove

niiñ bāġh-e-mohabbat meñ 'yaqīñ' us ko kahīñ jā

jis dil meñ ki dāġhoñ satī gulzār na hove