Pawan Kumar

nae mausamon main Dhal kar dekhna tha

Pawan Kumar

na.e mausamoñ maiñ Dhal kar dekhnā thā

hameñ ḳhud ko badal kar dekhnā thā

balā ḳhūbsūrat hai ye duniyā

ise ghar se nikal kar dekhnā thā

bahut mumkin thā raste raas aate

hameñ kuchh duur chal kar dekhnā thā

ham apne-āp se uktā ga.e haiñ

hameñ ḳhud se nikal kar dekhnā thā

un āñkhoñ ko ġhalat lat lag ga.ī hai

hasīñ manzar sambhal kar dekhnā thā

butoñ par tabsira karne se pahle

tumheñ patthar meñ Dhal kar dekhnā thā

Top Urdushayar.com