ik naqsh bigaḌne se ik had ke guzarne se
kyā kyā nahīñ mar jaatā ik ḳhvāb ke marne se
ab arsa-e-hastī meñ sad-rañg manāzir haiñ
is ā.ina-e-dil meñ ik aks utarne se
ik umr kī kāvish se ham ne to yahī jaanā
sab kaam sañvarte haiñ is dal ke sañvarne se
raazī haiñ ba-sad raġhbat ai jān-e-tamannā ham
ye baat jo ban jaa.e sau baar bhī marne se
vo mauj hī aisī thī jañgal jo uḌā le jaa.e
kis tarah bachāte phir ham ḳhud ko bikharne se