har naqsh-e-pā ko manzil-e-jāñ mānñā paḌā
muddat ke ba.ad jab bhī tirā sāmnā paḌā
aksar naqāb-e-zabt hameñ thāmnā paḌā
jab bhī fasīl-e-shab ko hameñ phāñdnā paḌā
har baar bhūlne ko ġhamoñ kī aziyyateñ
har rishta-e-umīd nayā bāñdhnā paḌā
har aarzū se ham ko milī taaza zindagī
har aarzū kā ham ko lahū chāTnā paḌā
kī thī harām ḳhud-kushī mere ḳhudā ne kyuuñ
be-vaj.h zindagī kā safar kāTnā paḌā