Nazeer Akbarabadi

jab uske hi milne se nakaam aaya

Nazeer Akbarabadi

Delhi, India

1735-1830

jab us ke milne se nākām aayā

to yā-rab ye dil merā kis kaam aayā

kabhī us taġhāful-manush taraf se

na qāsid na naama na paiġhām aayā

sad-afsos dam apnā niklā hai kis dam

ki jab ghar se ghar tak vo gulfām aayā

mujhe sub.h ko qatl kar vo masīhā

jo ghar apne farḳhanda farjām aayā

kisī ne mirī baat bhī vaañ na pūchhī

agarche har ik ḳhaas aur aam aayā

ġharaz phir usī ko jo yaad aa.ī merī

to ghabrā ke jis dam huī shaam aayā

jalāyā uThāyā gale se lagāyā

azīzo phir āḳhir vahī kaam aayā

ga.ī bevafā.ī 'nazīr' ab jahāñ se

vafā-dāriyoñ bhī hañgām aayā

Top Urdushayar.com