zaḳhm ko maat kyuuñ nahīñ karte

dard ḳhairāt kyuuñ nahīñ karte

rāste saa.eñ saa.eñ karte haiñ

rāste baat kyuuñ nahīñ karte

pyaar karte ho pāgaloñ kī tarah

hasab-e-auqāt kyuuñ nahīñ karte

ulTī sīdhī vazāhateñ kyā haiñ

soch kar baat kyuuñ nahīñ karte

ab mulāqāt karnā āsāñ hai

ab mulāqāt kyuuñ nahīñ karte

maiñ tumheñ jītne kī dhun meñ huuñ

tum mujhe maat kyuuñ nahīñ karte