vaqt se aage nikalnā chāhiye
ham ko ab paanī pe chalnā chāhiye
is se aage zindagī āsān hai
girne vāloñ ko sambhalnā chāhiye
aañkh dasht-e-ārzū ho jaa.e to
ḳhvāb ko dariyā meñ palnā chāhiye
aam ho kuchh to ye karb-e-āgahī
zaḳhm se chashma ubalnā chāhiye
vo sambhal kar dekhtā hai aa.ina
aa.ine ko bhī sambhalnā chāhiye
dhuup meñ ho barf-bārī to 'amīr'
sañg ko shīsha ugalnā chāhiye