Asif Jamal

aankh be-KHwab hui hai kaisi

Asif Jamal

aañkh be-ḳhvāb huī hai kaisī

ye havā ab ke chalī hai kaisī

mirī yaad meñ rotā to nahīñ

ye havāoñ meñ namī hai kaisī

saaya hai aur kashīda kitnā

dhuup hai aur kaḌī hai kaisī

kaisā soyā hai muqaddar apnā

aur zamīñ ghuum rahī hai kaisī

rasm-e-duniyā hai jise jaanā hai

ham pe uftād paḌī hai kaisī

guñg haiñ zinda-dilān-e-lahore

rasm-e-pursish bhī uThī hai kaisī

Top Urdushayar.com