ghar ko yuuñ toḌo ki phir hasrat-e-tāmīr na ho
koī taqdīr na ho aur koī tadbīr na ho
aise mar jaa.eñ koī naqsh na chhoḌeñ apnā
yaad dil meñ na ho aḳhbār meñ tasvīr na ho
baiThe baiThe yūñhī añdhiyāre meñ zaa.il ho jaa.eñ
koī dam-sāz na ho koī ḳhabar-gīr na ho
niiñd meñ titliyāñ āñkhoñ meñ lahaktī jaa.eñ
ḳhvāb dekheñ magar us ḳhvāb kī ta.abīr na ho
kaun santā hai mire sher yahāñ ab 'māmūn'
ain-mumkin hai mirī baat meñ tāsīr na ho