ahl-e-mohabbat kī majbūrī baḌhtī jaatī hai
miTTī se gulāb kī duurī baḌhtī jaatī hai
mehrāboñ se mahal-sarā tak Dheroñ-Dher charāġh
jalte jaate haiñ be-nūrī baḌhtī jaatī hai
kārobār meñ ab ke ḳhasāra aur tarah kā hai
kaam nahīñ baḌhtā mazdūrī baḌhtī jaatī hai
jaise jaise jism tashaffī paatā jaatā hai
vaise vaise qalb se duurī baḌhtī jaatī hai
girya-e-nīm-shabī kī ne.amat jab se bahāl huī
har lahza ummīd-e-huzūrī baḌhtī jaatī hai