sun lī rāmāyan kī jab puurī kathā
dil mirā rāvan pe ho baiThā fidā
hijr kī bātoñ meñ thā aisā asar
vasl meñ bhī dil mirā betāb thā
chāñd ne apnī nigāheñ pher liiñ
par tirī āñkhoñ meñ jaltā thā diyā
ik anokhī kaifiyat ne chhū liyā
haath meñ jaise ḳhudā kā haath thā
ik sahīfe meñ likhī thī dāstāñ
lafz lafzoñ se judā kaise huā
dil se dil mil jaa.eñ kuchh aisā kareñ
saat pheroñ se bhalā hogā kyā