riñd kī kā.enāt kyā hai ḳhaak
taak vaalī koī baḌā ghar taak
sūjhtā kyā hai tujh ko nāseh ḳhaak
vo masal hai ki ā.ankhoñ aage naak
pher le jis taraf ġharaz chāhe
aadmī ban gayā hai mom kī naak
lo junūñ kī savārī aa pahuñchī
mere dāman pe chal rahā hai chaak
zar-garī aql kī ma.āz-allāh
ab khaTā.ī meñ paḌ gayā idrāk
ho gayā sab lihāz adab be-bāq
ishq be-tāb husn hai bebāk
garm-joshī thī ābla-pā.ī
ab na vo tap na vo tapak na tapāk
sher meñ aa gayā hai ab ilhām
laao 'nātiq' likheñ sapāk-o-amāk