nahīñ jaane hai vo harf-e-satā.ish barmalā kahnā
magar nazroñ hī nazroñ meñ vo is kā vāh-vā kahnā
sar-e-mahfil kare rusvā mirā be-sāḳhta kahnā
mire fankār ye nāzuk-ḳhayālī vaah kyā kahnā
mire nārāz shānoñ ko thapak kar bār-hā kahnā
chalo chhoḌo gile-shikve kabhī maano mirā kahnā
koī masrūfiyat hogī vagarna maslahat hogī
na is paimāñ-farāmoshī se us ko bevafā kahnā
vafā to ḳhair kyā hotī chalo ye bhī ġhanīmat hai
mirī be-bastagī ko ḳhud raqīboñ ko burā kahnā