Manzoor Ahmad Manzoor

zamana hech hai uski nigah mein ai dost

Manzoor Ahmad Manzoor

zamāna hech hai us nigāh meñ ai dost

jo aa gayā tire ġham panāh meñ ai dost

jhalak rahī hai jo chashm-e-siyāh meñ ai dost

vo mauj-e-nūr kahāñ mehr-o-māh meñ ai dost

lahū jo sīna-e-dahqāñ se buuñd buuñd girā

chamak rahā hai vahī tāj-e-shāh meñ ai dost

sanam-kade meñ bhī jis shirk ko amaañ na milī

faroġh par hai vahī ḳhānqāh meñ ai dost

sukūn-e-dil bhī ajab chiiz hai ki us ke tufail

jabīñ pe nuur hai hāl-e-tabāh meñ ai dost

na mujtahid hai na suufī magar tirā 'manzūr'

azīz-tar hai jahāñ nigāh meñ ai dost

Top Urdushayar.com