duur tak bas ḳhuun ke Thahre hue dariyā mile
muddatoñ jaagī huī āñkhoñ ko dekhā ro paḌe
ehtirāman zindagī ko muñh lagānā hī paḌā
varna ham aur zindagī kā zahr tauba kījiye
apne kāñdhoñ par liye apnī ka.ī shaḳhsiyyateñ
raat bhar āñkhoñ ke jañgal meñ bhaTakte hī rahe
chīḳhte chillāte andeshoñ kī āñkheñ surḳh haiñ
jism kī nā-puḳhta saḌkoñ se guzarnā chhoḌiye
ḳhuun ke dhabboñ kī sachchā.ī Darātī hī rahī
apne baare meñ kabhī sochā to ghabrāne lage
TuuTe phūTe kaale shabdoñ ke bhare bāzār meñ
is qadar ḳhud ko ghumāyā hai ki kaale paḌ ga.e