Dhal chukī raat mulāqāt kahāñ so jaao
so gayā saarā jahāñ saarā jahāñ so jaao
so ga.e vahm-o-gumāñ vahm-o-gumāñ so jaao
so gayā dard-e-nihāñ dard-e-nihāñ so jaao
kab talak dīda-e-nam dīda-e-nam dīda-e-nam
kab talak āh-o-fuġhāñ āh-o-fuġhāñ so jaao
aah ab TuuT chalā TuuT chalā TuuT chalā
aah ye rishta-e-jāñ rishta-e-jāñ so jaao
uTh chale dil ke makīñ dil ke makīñ dil ke makīñ
luT gayā saarā makāñ saarā makāñ so jaao