mohabbat bhī huā kartī hai dil bhī dil se miltā hai
magar phir aadmī ko aadmī mushkil se miltā hai
mohabbat jab maza detī hai dil jab dil se miltā hai
magar mushkil yahī hai dil se dil mushkil se miltā hai
sivā.e yaas kyā is sa.ī-e-be-hāsil se miltā hai
tirā dil o sitamgar kab kisī ke dil se miltā hai
ajab riqqat-fazā hai āḳhirī milne kā nazzāra
gale lag lag ke bismil ḳhanjar-e-qātil se miltā hai
sarā-e-dahr meñ tāñtā bañdhā hai kārvānoñ kā
adam kā ai 'vafā' rasta isī manzil se miltā hai