go qayāmat se peshtar na huī
tum na aa.e to kyā sahar na huī
aa ga.ī niiñd sunñe vāloñ ko
dāstāñ ġham kī muḳhtasar na huī
ḳhuun kitne sitam-kashoñ kā huā
aañkh us sañg-dil kī tar na huī
us ne sun kar bhī an-sunī kar dī
maut bhī merī mo'atabar na huī
saath taqdīr ne kabhī na diyā
koī tadbīr kārgar na huī
chain kī justujū rahī din-rāt
zindagī chain se basar na huī
mujh ko miltī na ai 'vafā' manzil
aql qismat se rāhbar na huī