Arman Najmi

tah-e-aflak hi sab kuchh nahin hai

Arman Najmi

tah-e-aflāk sab kuchh nahīñ hai

zamīñ ḳhaak sab kuchh nahīñ hai

ka.ī sachchā.iyāñ haiñ māvarā bhī

had-e-idrāk sab kuchh nahīñ hai

dil-o-jāñ bhī nisbat hai junūñ se

qabā-e-chāk sab kuchh nahīñ hai

ye gul buuTe bahut dilkash haiñ lekin

sar-e-poshāk sab kuchh nahīñ hai

abhī hai ibtidā mashq-e-sitam

lab-e-saffāk sab kuchh nahīñ hai

Top Urdushayar.com