yaad karnā har ghaḌī us yaar kā

hai vazīfa mujh dil-e-bīmār kā

ārzū-e-chashma-e-kausar na.iiñ

tishna-lab huuñ sharbat-e-dīdār kā

āqibat kyā hovegā ma.alūm na.iiñ

dil huā hai mubtilā dildār kā

kyā kahe tārīf dil hai be-nazīr

harf harf us maḳhzan-e-asrār kā

gar huā hai tālib-e-āzādgī

band mat ho sub.ha o zunnār kā

masnad-e-gul manzil-e-shabnam huī

dekh rutba dīda-e-bedār kā

ai 'valī' honā sirījan par nisār

mudda.ā hai chashm-e-gauhar-bār kā