Iqbal Umar

isi sabab se to hum log pesh-o-pas mein hain

Iqbal Umar

isī sabab se to ham log pesh-o-pas meñ haiñ

usī se bair bhī hai aur usī ke bas meñ haiñ

qafas meñ the to gumāñ thā khulī fazāoñ

khulī fazā meñ ye ehsās ham qafas meñ haiñ

ye aur baat ki ham fā.eda uThā na sakeñ

kuchh aise log hamārī bhī dastaras meñ haiñ

har ek shahr kaayā palaT ga.ī lekin

har ek shahr meñ baaqī purānī rasmeñ haiñ

haqīqatoñ se nigāheñ milā.iye 'iqbāl'

sunā hai aap to chālīsveñ baras meñ haiñ

Top Urdushayar.com