nasab ye hai ki vo dushman ko kam-nasab na kahe

ajab ye hai ki ye duniyā use ajab na kahe

mirī nigāh junūñ meñ ye baat bhuul ga.ī

ki kab kahe mire jazbāt aur kab na kahe

vo barhamī kī jo ik dāstāñ thī ḳhatm huī

use kaho ki vo us se vo baat ab na kahe

vo be-zabān nahīñ hai to kam-nazar hogā

jo chashm o lab tire dekhe magar ġhazab na kahe

use bhī hai mire jiine kī aarzū 'shahpar'

sukūn hai ki ye ash.ār be-sabab na kahe