maiñ pā sakā na kabhī is ḳhalish se chhuTkārā
vo mujh se jiit bhī saktā thā jaane kyuuñ haarā
baras ke khul ga.e aañsū nithar ga.ī hai fazā
chamak rahā hai sar-e-shām dard kā taarā
kisī kī aañkh se Tapkā thā ik amānat hai
mirī hathelī pe rakkhā huā ye añgārā
jo par sameTe to ik shāḳh bhī nahīñ paa.ī
khule the par to mirā āsmān thā saarā
vo saañp chhoḌ de Dasnā ye maiñ bhī kahtā huuñ
magar na chhoḌeñge log us ko gar na phunkārā