bahāna DhūñDte rahte haiñ koī rone kā
hameñ ye shauq hai kyā āstīñ bhigone kā
agar palak pe hai motī to ye nahīñ kaafī
hunar bhī chāhiye alfāz meñ pirone kā
jo fasl ḳhvāb kī tayyār hai to ye jaano
ki vaqt aa gayā phir dard koī bone kā
ye zindagī bhī ajab kārobār hai ki mujhe
ḳhushī hai paane kī koī na rañj khone kā
hai paash paash magar phir bhī muskurātā hai
vo chehra jaise ho TuuTe hue khilaune kā