tamannā thī so marqad par gayā thā
na samjho ye ki maiñ bhī mar gayā thā
ḳhudā se kyā gila sach to yahī hai
maiñ apnī hasratoñ se Dar gayā thā
nigāheñ muntazir the haath ḳhālī
phir ik mazdūr kaise ghar gayā thā
jo mushkil aa paḌī to vo na aa.e
magar ḳhush huuñ ki maiñ aksar gayā thā
zamīn-o-āsmāñ shāhid haiñ us ke
ki phailā chār-sū vo shar gayā thā
thī masjid dāvat-e-maslak tabhī maiñ
ḳhudā ko DhūñDne mandar gayā thā
banā kāfir musalmāñ ab hai hasrat
maiñ kāfir ko musalmāñ kar gayā thā