kuchh akelī nahīñ merī qismat

ġham ko bhī saath lagā lagā.ī hai

muntazir der se the tum mere

ab jo tashrīf sabā laa.ī hai

nig.hat-e-zulf ġhubār-e-rah-e-dost

āḳhir us kūche se kyā laa.ī hai

maut bhī ruuTh ga.ī thī mujh se

ye shab-e-hijr manā laa.ī hai

mujh ko le jā ke mirī aañkh vahāñ

ik tamāshā sā dikhā laa.ī hai

aah ko sū-e-asar bhejā thā

vaañ se kyā jāniye kyā laa.ī hai

'shiblī'-e-zār se kah de koī

muzhda-e-vasl sabā laa.ī hai