chalo chal kar vahīñ par baiThte haiñ
jahāñ par sab barābar baiThte haiñ
na jaane kyuuñ ghuTan sī ho rahī hai
badan se chal ke bāhar baiThte haiñ
hamārī haar kā elaan hogā
agar ham log thak kar baiThte haiñ
tumhāre saath meñ guzre hue pal
hamāre saath shab bhar baiThte haiñ
batāo kis liye haiñ narm sofe
qalandar to zamīñ par baiThte haiñ
tumhārī be-hisī batlā rahī hai
hamāre saath patthar baiThte haiñ