Khawaja Javed Akhtar

mera KHud se milne ko ji chahta hai

Khawaja Javed Akhtar

Kolkata, West Bengal, India

1964-2013

merā ḳhud se milne ko chāhtā hai

bahut apne baare meñ maiñ ne sunā hai

sukūñ se koī ghar meñ baiThā huā hai

koī ḳhvāb meñ dauḌtā bhāgtā hai

adab meñ bahut kuchh purānā hai lekin

hameñ dekhnā hai ki kyā kuchh nayā hai

jahāñ āñdhiyoñ ne jamā.e the Dere

abhī tak vahāñ ek raushan diyā hai

koī so rahā hai ujāle meñ din ke

koī raat ke ḳhauf se jāgtā hai

mujhe haal dil sunānā hai jis ko

use mere baare meñ sab kuchh pata hai

ajab shor mahshar bapā hai yaqīnan

kisī shāḳh se koī pattā girā hai

Top Urdushayar.com