tumhārī qaid-e-vafā se jo chhūT jā.ūñgā
azal se le ke abad tak maiñ TuuT jā.ūñgā
ḳhabar nahīñ hai kisī ko bhī ḳhastagī kī mirī
mujhe na haath lagāo ki TuuT jā.ūñgā
tumhārī merī rifāqat hai chand qaumoñ tak
tumhāre paañv kā chhālā huuñ phuuT jā.ūñgā
hazār naaz sahī mujh ko apnī qismat par
hinā-e-dast-e-nigārīñ huuñ chhūT jā.ūñgā
tumhārī bazm se uTh kar ye va.ada kartā huuñ
jahāñ bhī jā.ūñgā ab jhūT-mūT jā.ūñgā