Sayyada Arshia Haq

yun baaten to bahut sari karoge

Sayyada Arshia Haq

Sydney, Australia

1990

yuuñ bāteñ to bahut saarī karoge

kaho kyā nāz-bardārī karoge

abhī bāteñ bahut pyārī karoge

magar kal kyā vafā-dārī karoge

sahāfī ho magar hoshyār rahnā

jo ghar meñ baat aḳhbārī karoge

mujhe ye shādmānī khal rahī hai

kab apnī yaad ko taarī karoge

badan ke ek ik kone meñ mere

kab apne lab se zar-kārī karoge

purāne zāviye se sher kah ke

kahāñ tak 'haq' ġhazal-kārī karoge

Top Urdushayar.com